Jańa jyl qarsańynda Almatynyń medısınalyq jedel járdem qyzmetiniń avtoparki JAC Sunray markaly 48 zamanaýı avtokólik aldy. Onyń 12-si «S» klasty jáne 36-sy «V» klasty kólik.
Jańa kólikter reanımasıalyq qurylǵylar, defıbrıllátorlar, elektrokardıograftar, ókpeni jasandy jeldetý apparattary jáne t.b. quraldar syndy álemdik brendterdiń zamanaýı medısınalyq jabdyqtarymen jabdyqtalǵan. Bul medısınalyq jedel járdemdi joǵary deńgeıde kórsetýge múmkindik beredi.
Avtopark Almaty qalasy ákimdiginiń jáne Qoǵamdyq densaýlyq basqarmasynyń qarjylandyrýy arqasynda jańardy. Kelesi jyly taǵy 50 jedel járdem kóligin satyp alý josparlanǵan.
Kún saıyn 186 brıgada kezekshilik atqaryp, 3 myńnan astam shaqyrtýǵa jaýap qyzmet kórsetedi.
2024 jyldyń 11 aıynyń qorytyndysy boıynsha 990 myńnan astam shaqyrý oryndaldy. Birinshi jáne úshinshi sanattaǵy shaqyrýlarǵa jetý ýaqyty orta eseppen 12,6 mınýt, bul ulttyq standarttarǵa sáıkes keledi. Osy kezeńde 142 sátti reanımasıa jasaldy.
Búginde Almaty qalasynyń jedel járdem qyzmeti qalanyń ár aýdanynda ornalasqan 13 qosalqy stansıadan turady, bul shaqyrýlarǵa jyldam jaýap berýdi qamtamasyz etedi. 2024 jyldyń jazynda Altaı-1 shaǵyn aýdanynda jańa qosalqy stansıa ashyldy, bul jedel kómek kórsetý qyzmetin odan ári qoljetimdi etti.