Almatydaǵy jataqhana qurylysy: 2023 Jyly jospar eki ese artyq oryndaldy, dep habarlaıdy almaty-akshamy.kz
Almaty qalasynyń ákimdigi men Ǵylym jáne joǵary bilim mınıstrligi stýdentterdi baspanamen qamtamasyz etý maqsatynda 2023 jyldyń naýryz aıynda jataqhana qurylysyna arnalǵan jobalyq keńseniń jumysyn bastady. Bul bastama oqý oryndary men ınvestorlar arasyndaǵy yntymaqtastyqty nyǵaıtyp, jataqhana tapshylyǵyn azaıtýǵa baǵyttalǵan.
Jobalyq keńseniń iske qosylýy nátıjesinde 120 ınvestor jataqhana qurylysyna qatysýǵa nıet bildirdi. Bul kórsetkish jataqhana salý jobasynyń tartymdylyǵyn aıǵaqtaıdy. 2023 jyly josparlanǵan jataqhana qurylysy eki ese artyǵymen oryndalyp, 3 969 orynǵa arnalǵan 14 nysan paıdalanýǵa berildi.
Jataqhana tapshylyǵy 32,7 myń orynnan 28,7 myń orynǵa deıin qysqardy. 2024 jyly taǵy 6 690 orynǵa arnalǵan 15 nysannyń qurylysy josparlanǵan, bul bastapqy jospardan 2 myń orynǵa artyq.
2025 jylǵa deıingi damý baǵdarlamasy aıasynda 12 myń orynǵa, al 2030 jylǵa qaraı taǵy 20 myń orynǵa arnalǵan jataqhanalar iske qosý kózdelgen. Osylaısha, jobalyq keńseniń qoldaýymen Almatydaǵy jataqhana tapshylyǵy máselesi tolyqtaı sheshilmek.