Bir adam mert bolyp, eki adam jaraqat alǵan.
Súıinbaı dańǵyly men Bekmahanov kóshesiniń qıylysynda birneshe avtokólik soǵysyp, iri jol-kólik apaty boldy, dep habarlaıdy Almaty-akshamy.kz
Volkswagen Golf kóligi Bekmahanov kóshesimen batys baǵytqa bet alǵan, al ZAZ Chance jáne Chevrolet Ravon kólikteri oǵan qarsy baǵytta kele jatqan. Súıinbaı dańǵylynyń qıylysyndaǵy úsh kólikke Hyundai Elantra kóligi joǵary jyldamdyqpen kelip soqqan.
Qatty soqqydan Chevrolet kóligindegi jolaýshy trotýarǵa ushyp ketken. Áýejaıǵa bet alǵan jas jigit alǵan oqıǵa ornynda kóz jumdy. Al júrgizýshi aýrýhanaǵa jetkizildi.
ZAZ Chance kóliginde órt shyqqan. Jalyndy ótip bara jatqan júrgizýshiler sóndirdi.
Hyundai kóligi jol jıegindegi aryqqa shyǵyp ketken. Kóliktegi jolaýshy aýrýhanaǵa jetkizildi, júrgizýshini sol jerge kelgen polıseıler ustap alyp, medısınalyq tekserýge alyp ketti. Kýágerlerdiń aıtýynsha, ol ishimdik iship alǵan.
Oqıǵa ornynda jol polısıasynyń qyzmetkerleri JKO-nyń barlyq mán-jaıyn anyqtaýda.