Almatylyq kıberpolısıa qyzmetkerleri “Anti-fraud” jedel aldyn alý is-sharasy barysynda arnaıy tehnıkalyq qurylǵylardy zańsyz satpaq bolǵan kúdiktini anyqtady.
Jasyryn dybys jáne beıne jazba jasaýǵa arnalǵan tehnıkalyq quraldardyń zańsyz aınalymy toqtatyldy, dep habarlaıdy aqshamnews.kz Polisia.kz-ke silteme jasap.
Almaty oblysynyń 26 jastaǵy turǵyny jasyryn jazba fýnksıasy bar qalamdardy satqany úshin ustaldy. Sondaı-aq kúdiktiniń jumys ornyn tekserý kezinde birneshe osyndaı qalam, magnıtti kameralar men beınebaqylaý jabdyqtary bar shamdar tabylyp, tárkilendi.
— Qazirgi ýaqytta Áýezov aýdandyq polısıa basqarmasynda kúdiktige qatysty QR Qylmystyq kodeksiniń aqparatty jasyryn alý maqsatynda arnaıy tehnıkalyq quraldardy zańsyz óndirý, saqtaý, ótkizý nemese paıdalaný deregi boıynsha is qozǵaldy, — dedi Almaty qalalyq PD kıberqylmysqa qarsy kúres basqarmasynyń bastyǵy Anes Qaldybaev.