Almaty soty «K» jaýapkershiligi shekteýli seriktestigine jer telimin paıdalanýǵa qatysty zańbuzýshylyqtardy joıýdy mindettedi - kompanıa jasyl jelekterdi joıyp, ornyna aqyly avtoturaq uıymdastyrdy.
Almaty qalasynyń mamandandyrylǵan aýdanaralyq ekonomıkalyq soty jer resýrstaryn basqarý departamentiniń «K» JSHS-ne nusqamany oryndaýǵa mindetteý týraly talap aryzy boıynsha azamattyq isti qarady almaty-akshamy.kz.
«Sot anyqtaǵandaı, 2022 jyldyń jeltoqsan aıynda departament júrgizgen tekserý barysynda "aýmaqty kógalandyrý“ maqsatyndaǵy jer telimin menshik ıesi basqa maqsatta paıdalanǵan. Joǵaryda atalǵan mekeme jer ýchaskesinde aqyly avtoturaq uıymdastyryp, jasyl jelekterdi joıyp jibergen. Zańnamaǵa sáıkes, eger menshik ıesi jer ýchaskesiniń nysanaly maqsatyn buzsa, memlekettik ýákiletti organdar buzýshylyqtardy joıý jáne onyń maqsatty túrde paıdalanylýyn qamtamasyz etý boıynsha sharalar qabyldaıdy», — dep atap ótti qalalyq sottyń baspasóz qyzmeti.
Jaýapty memlekettik organ buzýshylyqty joıý týraly tıisti nusqama shaǵarǵan. Alaıda, «K» JSHS-i ýákiletti organnyń talabyn oryndamaǵan.
«Sot istiń mán-jaıyn anyqtaı otyryp, talap aryzdy qanaǵattandyryp, jaýapkerge jer ýchaskesin maqsatty túrde paıdalaný úshin sharalar qoldanýdy mindettedi», — dep atap ótti vedomstvanyń baspasóz qyzmeti.