Almatyda jasyl jelekterdi jyl saıynǵy bıologıalyq óńdeýdiń tórtinshi kezeńi bastalady, dep habarlaıdy aqshamnews.kz
Jyl saıyn Ekologıa jáne qorshaǵan orta basqarmasy bıologıalyq óńdeýdi tórt kezeńde júrgizedi. Alǵashqy úsh kezeń osy jyldyń mamyrynan shildesine deıin ótti. Tórtinshi kezeń bir aıǵa sozylady, kún ashyq kezde óńdeledi.
Aǵashtyń jaǵdaıyn jaqsartý, saqtaý jáne ártúrli zıandy organızmge tózimdiligin arttyrý úshin Almaty qalasynda jasyl jelekterdi bıologıalyq óńdeý jumystary júrgizilýde. Jaqsy áser etý jáne tıimdilikti arttyrý úshin bul túngi ýaqytta, jaýyn-shashyn joq kezde saǵat 23:00-den 05:00-ge deıin júrgiziledi.
Bul jumysqa klımattyq faktordy eskere otyryp, QR aýmaǵynda qoldanýǵa ruqsat etilgen jáne adamǵa, qus pen janýarǵa zıansyz, qaýpi az sertıfıkattalǵan bıologıalyq jáne keıbir jaǵdaıda hımıalyq preparattar (P-4) paıdalanylady.
Jalpy, japyraq jeıtin zıankester men sańyraýqulaq aýrýlarynyń qozdyrǵyshtaryna qarsy 2,3 mıllıonnan astam aǵash óńdeý josparlanǵan. Zıankester men aýrýlardyń bıologıasynyń erekshelikterine súıene otyryp, óńdeý túnde jáne tańǵy ýaqytta júrgiziledi.
Almaty qalasy Ekologıa jáne qorshaǵan orta basqarmasy