Almaty qalasynyń ekologıa jáne qorshaǵan orta basqarmasy «Jasyl aýla» naýqanynyń bastalǵandyǵyn habarlaıdy, dep habarlaıdy Almaty-akshamy.kz
20 qyrkúıekten bastap qala turǵyndarynan kópqabatty úılerdiń aýlasy men qoǵamdyq keńistikterdi kógaldandyrý úshin japyraqty kóshetterdi alýǵa ótinimder qabyldanady. Kóshetter tegin beriledi.
Naýqan aıasynda bir adamǵa 20-ǵa deıin kóshet bólinedi, bul rette ótinish berýshi otyrǵyzylǵan aǵashtardy aldaǵy úsh jyl boıy kútip-baptaý týraly kepildi mindettemege qol qoıýy tıis.
Ótinimderdi qabyldaý 2023 jylǵy qazannyń 1-ne deıin jalǵasady. Kórsetilgen ýaqyttan keıin joldanǵan ótinishter qabyldanbaıdy.
Qatysý úshin Jasyl.aula.almaty@gmail.com elektrondy poshtasyna kelesi málimetterdi joldaý qajet:
1. Qatysýshynyń aty-jóni men telefon nómiri, aǵash otyrǵyzylatyn orynnyń naqty mekenjaıy;
2. Aǵash otyrǵyzylatyn orynnyń fotosy (mamandarǵa oryndy tolyqtaı baǵalaýǵa múmkindik bolýy úshin panoramalyq formatta bolǵany jón);
3. Suralyp otyrǵan kóshet sany.
Kóshetterdi taratý Almaty q., Áýezov aýdany, Iýrıı Kım k-si, 9 («Eco Almaty» JSHS) mekenjaıynda 2023 jyldyń 7, 8, 14, 15 qazanynan bastap josparlanǵan. Otyrǵyzylǵan kóshetterdiń foto esebin jiberý qajet.
Qosymsha aqparat alý úshin Almaty qalasynyń Ekologıa jáne qorshaǵan orta basqarmasynyń Jasyl qordy basqarý jáne monıtorıń bólimine baılanys nómiri boıynsha habarlasýǵa bolady: +7707 724 9697