Almatyda jastardyń jappaı tóbelesinen keıin polısıa tergeý jumystaryn júrgizip jatyr.
Áleýmettik jelide qalada tóbeles uıymdastyrǵan jastardyń vıdeosy tarap ketti, dep habarlaıdy Almaty-akshamy.kz
Beınejazbadan birneshe jigittiń bir jas jigitti qalaı uryp-soqqanyn kórýge bolady.
Almaty qalalyq polısıa departamentiniń málimetinshe, 28 sáýirge qaraǵan túni «102» kezekshi púltine Rozybakıev pen Esqaraev kósheleriniń qıylysynda tóbeles bolyp jatqany týraly shaǵym túsken.
«Jedel basqarý ortalyǵynyń qyzmetkerleri oqıǵa ornyna polısıanyń patrúldik ekıpajdaryn jiberip, quqyqbuzýshylyqty toqtatyp, tóbeleske qatysýshylardy ustap, Bostandyq aýdandyq polısıa basqarmasyna jetkizdi.Qazirgi ýaqytta QR QK-niń 293-baby 2-bóligi boıynsha sotqa deıingi tergeý amaldary bastaldy»,- dep habarlady vedomstvodan.
Tóbeleske qatysy barlardyń árqaısysynyń áreketine quqyqtyq baǵa beriletin bolady.