Barlyq nıet bildirýshilerdi Akademıaǵa oqýǵa qatysýǵa shaqyrady. Bul týraly Almatynyń óńirlik komýnıkasıalar qyzmetiniń brıfıńinde Almaty qalasy Jastar saıasaty basqarmasynyń jastardy áleýmettendirý jáne jastar bastamalaryn qoldaý bóliminiń basshysy Nursultan Bekqaıyrov málimdedi, dep habarlaıdy almaty-akshamy.kz
Jastar saıasaty basqarmasynyń qoldaýymen "Almaty qalasynyń jastar uıymdarynyń akseleratory" jobasy iske qosylady. Jobanyń maqsaty – Almaty qalasynyń jastar saıasaty salasyn damytýdyń strategıalyq qadamdaryn ázirleý maqsatynda tıimdi, sapaly jáne nátıjeli toptyq talqylaýlardy uıymdastyrý.
Joba aıasynda Almaty qalasynyń jastar uıymdaryn oqytý boıynsha arnaıy Akademıa qurylady. Akademıa jastar men jastar uıymdarynyń múshelerin modýldik baǵyttar, túrli taqyryptar boıynsha oqytady. Oqytý kelesi salalardy qamtıdy:
- Jobalardy basqarý
- ÚEU-ny uıymdyq-ınstıtýsıonaldyq damytý
- Granttarǵa ótinimderdi toltyrý
- Qarjylyq jáne shyǵarmashylyq menedjment
"Bul kýrs óz qyzmetin jańadan bastaǵan ÚEU-nyń barlyq ókilderi úshin, sondaı-aq áleýmettik problemalardy sheshý joldaryn sapaly jáne tıimdi tańdaýdy jáne olardy iske asyrýdy bilmeıtin jastar úshin óte paıdaly jáne mańyzdy bolady", - dep naqtylady Nursultan Bekqaıyrov.