«Esentaı» ózeniniń boıynda Respýblıka kúnine arnalǵan «Jastar graffıtı» festıvali ótti. İs-sharany Almaty qalasynyń Jastar saıasaty basqarmasy men qalanyń Jastar saıasatyn damytý memlekettik qory uıymdastyrdy, dep habarlaıdy Almaty-akshamy.kz.
Azız ORALBEKULY, Almaty qalasy jastar saıasatyn damytý memlekettik qorynyń dırektory:
-Bul festıváldiń basty maqsaty - bizdiń kreatıvti, talantty jastardyń basyn biriktirý. Osy jerde 50-den astam jas sýretshiler jınaldy. Jas sýretshiler qala deńgeıindegi sýretshiler klýbynyń, demalys ortalyqtarynyń qatysýshylary. Festıvál ótetinin estip, qatysýǵa nıet bildirgen stýdentter de bar. Respýblıka kúnine oraı eń basty eskızdi salyp jatyr. Ol jerde negizinen Almaty qalasynyń kórikti jerlerin órnekteıdi. Sýretshilerge erkindik te berildi. Ózderi oıyndaǵy sýretterin salady. Bir qýantarlyǵy, sýret salý barysynda jastardyń negizgi oıy birlik, erkindik, turaqtylyq qaǵıdatyna sáıkes kelip otyr. Bul shara bir kún ǵana bolmaıdy. Biz árbir 8 aýdanda qaıtalanbas sýretterdi salyp shyǵamyz. Respýblıka kúnine oraı kóptegen is sharalar ótkizý josparda bar.
«Respýblıka kúnine oraı uıymdastyrylǵan festıválde basqa da sýretshilermen birge arnaıy eskız salyp jatyrmyz. Graffıtımen 5-6 jyldan beri aınalysamyn. Almaty qalasynyń beınesin graffıtı arqyly kórsetemiz»,- dedi T.Júrgenov atyndaǵy óner akademıasynyń stýdenti, sýretshi Erkebulan Bóribaıuly.
