Almaty qalasy boıynsha Sybaılas jemqorlyqqa qarsy qyzmet «Zań men tártip» ıdeologıalyq narratıvi aıasynda «UWW grepplıng sporttyq kúresi federasıasy» qoǵamdyq birlestigimen birlesip sporttyq is-shara uıymdastyrdy. İs-sharaǵa 400-ge jýyq jas sportshy – balalar men jasóspirimder qatysty.
Atalǵan shara buqaralyq sportty damytýmen qatar, ósip kele jatqan urpaqtyń boıynda negizgi adamgershilik qaǵıdattardy qalyptastyrýǵa baǵyttaldy. Sport – bul tek fızıkalyq shynyǵý ǵana emes, sonymen birge ishki turaqtylyqty, rýhtyń kúshin, adaldyqty jáne jaýapkershilik sezimin tárbıeleýdiń qýatty quraly.
İs-shara barysynda Almaty qalasynyń Sybaılas jemqorlyqqa qarsy qyzmetiniń basshysy Arman Rahımov qatysýshylarǵa: kúsh ústemdik úshin emes, qorǵaý úshin qajet — Otandy, otbasyn, álsizder men kómekke muqtajdardy qorǵaý úshin qajet ekenin atap ótti. Sport — bul agresıa emes, bul — ózin-ózi baqylaý. Bul jolda fızıkalyq jaǵynan myqty emes, tártipti, adal jáne moraldyq turǵydan tózimdi adam jeńiske jetedi.
İs-shara sońynda jarys uıymdastyrýshylaryna, jattyqtyrýshylarǵa jáne belsendi qatysqan jas sportshylarǵa alǵys hattar tabystaldy. Bul – jarysty uıymdastyrýǵa qosqan úlesi, bastamashyldyǵy, adal kúres rýhyna beriktigi men óz qatarlastaryna úlgi bola bilgeni úshin berilgen marapat. Bul – ádiletti jáne turaqty qoǵam qura alatyn urpaqty tárbıeleýge qosylǵan ortaq úles.
Ata-analarǵa da erekshe alǵys bildirildi – balalaryn tárbıeleýge, olarǵa ýaqytyn, kúsh-jigeri men qarajatyn arnaǵandary úshin. Sebebi bolashaqtyń irgetasy – otbasynda qalanady.
İs-sharaǵa balalar úıinen kelgen tárbıelenýshilerdiń qatysýy erekshe mánge ıe boldy. Mundaı sharalar olar úshin – ózderiniń mańyzdylyǵyn sezinip, óz kúshine senýge jáne ishki áleýetin ashýǵa úlken múmkindik.
Bul oqıǵa jaı ǵana sporttyq jarystar jıyntyǵy emes, jańa býynnyń minezi qalaı qalyptasatynyn kórsetken jarqyn mysal boldy. Tártip, adaldyq, qurmet, damýǵa umtylý jáne zańǵa baǵyný – bul qasıetter sportta da, ómirde de birdeı mańyzdy.