Almaty qalasynyń ákimi Darhan Satybaldynyń tapsyrmasy boıynsha qaladaǵy zańsyz qurylysqa baqylaý kúsheıtiledi, - dep habarlaıdy aqshamnews.kz.
Búgin Qalalyq qurylys baqylaý basqarmasy «Terekti» shaǵynaýdanyndaǵy Aınalma kóshesi, 183-ýchaskede ornalasqan zańsyz nysandy buzý bastalǵanyn habarlady. Buǵan deıin bul turǵyn úı kesheni BAQ-ta páter satyp alýǵa usynylmaıtyn turǵyn úıler tiziminde kórsetilgen bolatyn.
Anyqtalǵandaı, qurylys salýshy – «Investment Stroy» JSHS atalǵan turǵyn úı keshenin ruqsatsyz salǵan. Bul fakt jospardan tys tekserý barysynda anyqtalǵan.
Menshik ıesine qatysty ákimshilik sharalar qabyldanyp, keıin Almaty qalasynyń Mamandandyrylǵan aýdanaralyq ekonomıkalyq sotyna (SMES) nysandy buzý jáne shuńqyrdy qaıta kómip tastaý jóninde talap aryz berilgen.
2023 jylǵy 12 shildede sot Qurylys baqylaý basqarmasynyń talaptaryn qanaǵattandyrdy. Apelásıalyq shaǵym qaralǵannan keıin Almaty qalalyq soty SMES sheshimin ózgerissiz qaldyrdy. İs materıaldary oryndaý úshin Ádilet departamentine jiberildi.
Nysandy buzý jumystary keshe sot oryndaýshylarynyń qatysýymen bastaldy.
Qalalyq qurylys baqylaý basqarmasy azamattarǵa jyljymaıtyn múlik satyp almas buryn turǵyn úı keshenine qatysty barlyq qujattardyń bolýyn mindetti túrde tekserýdi usynady.
Aqparatty WhatsApp anyqtamalyq arnasy arqyly alýǵa bolady: +7 705 89 66 000.