Almaty polıseıleri balalarǵa saq bolýǵa shaqyrady.
Almatynyń Túrksib aýdanynda jasóspirimge temeki satý deregi tirkeldi, dep habarlaıdy Almaty-akshamy.kz Polisia.kz-ke silteme jasap.
Almatyda balalar quqyqtaryn buzý derekterin anyqtaý, kámeletke tolmaǵandar arasynda qadaǵalaýsyz jáne panasyz qalýdyń aldyn alý maqsatynda múddeli qyzmetter men vedomstvolardy tarta otyryp, «Jasóspirim jáne kóshe» jedel-aldyn alý is-sharasy ótkizilip jatyr.
«İs-shara aıasynda kámeletke tolmaǵandarǵa alkogóldi jáne temeki ónimderin satý derekterin anyqtaýǵa jáne jolyn kesýge erekshe mán beremiz. Almaty qalasy Túrksib aýdanyndaǵy Osıpenko kóshesindegi dúkenderdiń birinde jasóspirimge temeki satý deregi anyqtaldy. Satýshyǵa qatysty QR ÁQBtK-niń 423-baby (Esirtki, psıhotroptyq zattardy jáne sol tektesterdi, prekýrsorlardy nasıhattaý nemese zańsyz jarnamalaý) boıynsha hattama toltyryldy. Aıyppul mólsheri – 15 AEK», – dedi Almaty qalasy PD JPQB ıývenaldy polısıa bóliminiń bastyǵy Janna Shonjanova.
Almaty polısıasy, qala turǵyndaryn balalaryn baqylaýǵa alyp, olardyń tárbıesine degen jaýapkershilikti umytpaýǵa shaqyrdy. Baqylaýdyń bolmaýy jasóspirimderdiń quqyq buzýshylyq jasaýyna nemese olarǵa qarsy zańsyz áreketterge alyp kelýine sebep bolýy múmkin.