Saıası jáne ekonomıkalyq baǵdarlamalarǵa sholý jasaldy.
Qasym-Jomart Toqaevtyń birinshi merziminiń qorytyndylary jáne prezıdenttik saılaý qorytyndylary týraly baıandamalardyń tanystyrylymy ótti, dep habarlaıdy Almaty-akshamy.kz.
«Halyqaralyq áleýmettaný jáne saıasat ınstıtýty» qoǵamdyq qory janyndaǵy Jas sarapshylar mektebi uıymdastyrǵan is-sharada Prezıdent Qasym-Jomart Toqaevtyń 2019-2022 jyldar aralyǵyndaǵy Prezıdent retindegi atqarǵan jumystaryna saraptama jasady.
Baıandamalardy Jas sarapshylar mektebiniń tyńdaýshylary Marat Shıbýtovtyń basshylyǵymen daıyndady.
«Biz eki saraptamalyq sholý jasap, Prezıdenttiń atqarǵan jumystary týraly aıtqymyz keldi. Birinshi esepte QR Prezıdenti Q.Toqaevtyń 3 jyldyq Prezıdent bolǵan kezdegi atqarǵan áleýmettik, saıası jáne ekonomıkalyq baǵdarlamalaryna sholý jasadyq. Sonymen qatar esep barysynda 3 jyldyń ishinde elimizde bolǵan tótenshe jaǵdaılarǵa sholý jasap, Prezıdenttiń aldaǵy ýaqytta osyndaı jaǵdaılardyń aldyn alý boıynsha qabyldaǵan sheshimderi men halyqqa kómek kórsetý sheshimderine oı júgirttik. Al ekinshi esepte jalpy prezıdenttik saılaýdyń tarıhyn, Q.Toqaevtyń jáne basqa prezıdenttikke úmitkerlerdiń saılaýaldy baǵdarlamalarynyń áleýmettik mańyzyn kórsetip kettik»,- dedi qoǵamdyq pikir ortalyǵynyń sarapshysy Aınur Baqytjanqyzy.