Almaty qalasynda qoǵamdyq tártipti qamtamasyz etý jolynda jas polıseılerdiń qatary tolyqty.
Vedomstvo basshysy Arystanǵanı Zapparovtyń jetekshiligimen ótken saltanatty rásimde 90 polısıa qyzmetkerine alǵashqy ofıserlik shen tabys etildi, dep habarlaıdy aqshamnews.kz.
- Qurmetti áriptester! Sizderdi ómirlerińizdegi mańyzdy sátpen quttyqtaımyn. Memleket basshysy elimizde tártip pen zańdylyqtyń qatań saqtalýy tıis ekenin erekshe atap ótti. Azamattardyń qaýipsizdigin qamtamasyz etý, qylmysqa qarsy kúreste aldyńǵy shepte bolý – Sizderdiń abyroıly mindetterińiz. Qazaqstan polısıasynyń qataryn júrek qalaýymen tolyqtyrǵan árqaısyńyz adaldyq pen ádildik jolynda qyzmet etesizder dep senemin. Anttaryńyzǵa berik bolyp, halqyńyzǵa adal qyzmet etińizder, – dedi Arystanǵanı Zapparov.
Shen alǵan jas tártip saqshylarynyń qatarynda tergeýshiler, krımınalıser, jedel ýákilder, ýchaskelik polısıa ınspektorlary, JQAJ jaýyngerleri, kınologtar jáne ózge de qyzmet ókilderi bar. Olar aldaǵy ýaqytta quqyqtyq tártipti nyǵaıtyp, azamattardyń tynyshtyǵyn qorǵaýǵa óz úlesterin qosady.