Qalamyz mádenıet salasy boıynsha Ortalyq Azıadaǵy kóshbasshy atanýdy aldyna maqsat etip otyr.
Almatyda jas jazýshylar men aqyndar mektebi ashylady, dep habarlaıdy Almaty-akshamy.kz «Almaty qalasyn damytýdyń 2025 jylǵa deıingi josparynyń negizgi basymdyqtary jáne 2030 jylǵa deıingi orta merzimdi perspektıvalary» atty jobasyna silteme jasap.
Budan ózge 2025 jylǵa deıin keminde 20 turaqty halyqaralyq festıvál, konsert, kórme ótkizý (Almafest, «Uly dala», Almaty Film Festival, The Spirit of Tengri jáne basqalary)
- «Boraldaı qorǵandary» parki bazasynda Saq mádenıeti ortalyǵynyń I fazasyn, jeke ınvestısıaǵa qazirgi zamanǵy óner mýzeıi men 11 myń oryndyq mýltıfýnksıonaldy konsert-holl salý
- Erekshe qajettilikteri bar adamdarǵa beıimdeı otyryp, mádenıet obektilerin jańǵyrtý (QR Ortalyq memlekettik mýzeıi, Ulttyq kitaphana, Áýezov atyndaǵy teatr, Sas atyndaǵy teatr)
- Kreatıvti zerthana formatynda 26 qalalyq kitaphana bazasynda jas jazýshylar men aqyndar mektebin ashý
- «Contemporary art» jáne qazirgi zamanǵy mýzyka alańdaryn qurý jáne damytý (outdoor jáne indoor) qarrastyrylǵan.
2030 jylǵa deıin mádenı murany kreatıvti ındýstrıa ónimine «túrlendirý», «Boraldaı qorǵandary» arheologıalyq parki bazasynda Saq mádenıeti ortalyǵyn aıaqtaý jáne damytý, IýNESKO, TÚRKSOI sheńberinde halyqaralyq yntymaqtastyqty damytý jáne IýNESKO Kreatıvti qalalary jelisiniń kezdesýinde Uıymdastyrýshy qala mártebesine ıe bolý josparlanyp otyr.
Almaty qalasy 2025 jylǵa qaraı 40%-ke deıin, 2030 jylǵa qaraı 50%-ke deıin turǵyndardyń mádenı ómirge tartyp, is-sharalar sany men aýdıtorıany qamtý boıynsha Ortalyq Azıadaǵy kóshbasshy atanýdy aldyna maqsat etip otyr.
Almatynyń bolashaǵyna beı-jaı qaramańyz. Mádenıetke qatysty óz pikirińizdi 1 shildege deıin tómendegi silteme arqyly «Almaty qalasyn damytý ortalyǵy» AQ saıtynda qaldyryńyz.