Rysqulov dańǵylyǵynda sý qubyry qalpyna keltirildi
«Almaty jylý júıesi» mekemesiniń málimetinshe, Rysqulov dańǵyly men Jansúgirov kóshesiniń qıylysy arqyly ótetin ýchaskedegi jylý magıstrali jóndeldi, dep habarlaıdy Almaty-akshamy.kz QazAqparatqa silteme jasap.
«7 jeltoqsanda bolǵan apattan keıin dıametri 1000 mm qubyr segmentin qalpyna keltirý jumysy aıaqtaldy. Synaqtan keıin jylý magıstrali qaıtadan iske qosyldy jáne shtattyq rejımde jumys istep tur. Jol qozǵalysyn qalypqa keltirý úshin kúndiz asfált jabyny qalpyna keltirilgenge deıin apat bolǵan jer arnaıy taqtaıshalarmen jabyldy», - dep habarlady kompanıadan.
Keshe keshki saǵat 18.30-dan bastap Rysqulov dańǵyly boıymen batys baǵytta (soltústik jaǵy) kólikter úshin qozǵalys jartylaı qalypqa keltirilgen bolatyn. 8 jeltoqsan kúni tańǵy saǵat 9:00-de qozǵalys tolyǵymen qalpyna keltirildi. Eske salaıyq, 7 jeltoqsan kúni Almatyda Rysqulov pen Jansúgirov kósheleriniń qıylysynda ystyq sý qubyry jarylǵan edi.