Erbolat Dosaev «Almaty - bizdiń ortaq úıimiz» naýqanynyń «Jarqyn kúz» kúzgi sıklin jarıalady
Almaty turǵyny irgeles aýmaqty iri kólemdi qoqyspen bitep tastaǵan kásipkerlerge shaǵymdandy
Almaty ákimi Erbolat Dosaevtyń Túrksib aýdanynyń turǵyndarymen kezdesýi barysynda qala turǵyny irgeles aýmaqty iri kólemdi qoqyspen bitep jatqan kásipkerlerge shaǵymdandy.
Túrksib aýdanynyń ákimi Baqytjan Aqjarov nysandardy pasporttaý boıynsha jumystar júrgizilip jatqanyn habarlady.
Esterińizge sala keteıik, Almatyda «Taza Qazaqstan» baǵdarlamasy jáne abattandyrýdyń jańa erejeleri aıasynda qalalyq nysandardy pasporttaý bastaldy.
Bul shara qala turǵyndary men qonaqtary úshin jaıly, qaýipsiz jáne ekologıalyq taza orta qurý strategıasynyń bóligi bolyp tabylady. Pasporttaýdyń negizgi mindeti-kásipkerler úshin irgeles aýmaqtardy abattandyrý úshin jaýapkershilik shekaralaryn anyqtaý.
Almatynyń komýnaldyq ınfraqurylymdy damytý basqarmasynyń derekteri boıynsha qalada barlyǵy 5 590 kásipkerlik nysan pasporttaýǵa jatady. Qazirgi ýaqytta myńdaǵan kásipkerler pasporttarǵa qol qoıdy. Barlyq pasporttaý jumystary kelesi jyldyń sáýir aıynda aıaqtalady.
«Barlyq kásipkerler olarǵa tikeleı irgeles ýchaskeler úshin jaýapty bolady. Qoqysty, ásirese iri gabarıtti qoqysty shyǵarý boıynsha ekologıa bólimimen qoqys shyǵaratyn kompanıalarmen shart jasasý jáne konteınerlik alańdardy júktemeı qoqysty ýaqtyly shyǵarýdy qamtamasyz etý úshin jumys isteımiz», - dedi aýdan ákimi.
Qala basshysy búgin, 18 qazanda Almatyda «Taza Qazaqstan» jalpy respýblıkalyq baǵdarlamasy jáne «Almaty – bizdiń ortaq úıimiz» qalalyq naýqany aıasynda qala turǵyndary arasynda ekologıalyq mádenıetti arttyrýǵa baǵyttalǵan «Jarqyn kúz» naýqany bastalǵanyn eske saldy. Aldaǵy kúnderi qalany kúzgi-qysqy kezeńge daıyndaýǵa erekshe nazar aýdarylatyn bolady.
Erbolat Dosaev aýdan ákimine osy naýqan aıasynda aýmaqty jınalǵan qoqystardan tazartýdy tapsyrdy.
«Budan ári, qarasha aıynda biz kompanıalardyń ózderi jumys isteıtin ýchaskeleri úshin jaýap berýine, kelisimsharttar jasasýyna jáne qoqys shyǵarýyna yqpal etetin bolamyz», - dedi Almaty ákimi.
Almatyda 18-24 qazan aralyǵynda qala kóshelerinde, aýlalarda, qoǵamdyq keńistikterde jáne jol ınfraqurylymy boıynda aǵashtardy sanıtarlyq kesý, qulaǵan japyraqtar men qoqystardy jınaý boıynsha aýqymdy jumystar josparlanǵan.