Aksıa talaby boıynsha, balalar 3 keli, al eresekter 7 keli jańǵaq jınaýlary tıis.
Iaǵnı, osynsha mólsherde emen jańǵaǵyn jınaǵan adamǵa tegin bılet beriledi, dep habarlaıdy Almaty-akshamy.kz «Habar 24» caıtyna silteme jasap.
Bıyl is-sharanyń turaqty túrde ótip kele jatqanyna - 8 jyl. Qazan aıynda bastalyp, bir aıǵa jalǵasady. Oǵan qalanyń qarapaıym turǵyndarynan bastap, mekemeler men oqý oryndary da qatysady.
«Osydan 3-4 jyl buryn qaladaǵy bir balabaqsha 160 keli jańǵaq jınap alyp keldi. Kishkentaı búldirshinder saıabaqqa serýendeýge shyqqanda óz qoldarymen jınaǵan. Joǵary oqý oryndarynyń stýdentteri jaqsy atsalysady. Olar tegin bıletterdi balalar úılerine nemese qarttar úıindegi kisilerge berýimizdi ótinedi», - deıdi Almaty haıýanattar baǵynyń resmı ókili Aqjámı Rahımova.
Haıýanattar baǵynyń qyzmetkerleri 2019 jyly mundaǵy janýarlardyń qys boıy jańǵaq jep shyqqandyǵyn aıtady. Sebebi sol kezde 4 tonnadan astam ónim jınalǵan. Ázirge mundaı kórsetkish áli qaıtalanbapty. Byltyr 3 tonnadan asypty.
«Bul emen jańǵaǵy negizgi tamaqtyń ústinen qosymsha retinde berilip otyrady. Emen jańǵaǵyn qazaqta shoshqa jańǵaǵy dep te ataıdy. Ataýy aıtyp turǵandaı, bizdegi 2014 jyldan bastap ómir súrip jatqan jabaıy qabandar, buǵy tuqymdastar, aqbókender de jańǵaq jeýdi úırene bastady. Biz maldardy qysqy ýaqytqa kúılerin jaqsartý úshin osyndaı is-sharalardy júrgizip otyrmyz», - deıdi Almaty haıýanattar baǵynyń bólim meńgerýshisi Balabek Maqatov.
Odan ózge kerik, maral, eshki men qoı da jańǵaqty súısinip jeıdi. Mamandardyń aıtýynsha, onyń quramy paıdaly zattarǵa baı. Sondyqtan qys kezinde eshqandaı artyq bolmaıdy. Aksıa 7 qarashada aıaqtalady. Dál sol kún – haıýanattar baǵynyń qurylǵan kúni. Bıyl zoobaqqa – 85 jyl. Al, sharaǵa belsene atsalysqandarǵa alǵys hatpen qosa baǵaly syılyqtar da tabystalady.