Jandosov kóshesiniń bir bóligine ortasha jóndeý júrgizýge baılanysty kólik qozǵalysyna ýaqytsha shekteý engiziledi.
24 tamyz saǵat 23:00-den 26 tamyz saǵat 07:00-ge deıin Iassaýı kóshesinen Sháımerdenov kóshesine deıingi aýmaqta qozǵalys jabylady, dep habarlaıdy aqshamnews.kz
Bul aýmaqty shyǵys baǵytta Iassaýı jáne Shalápın kósheleri arqyly, al batys baǵytta Sháımerdenov, Beket Ata Myrzaǵululy, 7-shi jeli kósheleri arqyly aınalyp ótýge bolady.
- Al 25 tamyz saǵat 23:00-den 27 tamyz saǵat 07:00-ge deıin Sháımerdenov kóshesinen Saın kóshesine deıingi aýmaqta kólik qozǵalysy shekteledi.
- Atalǵan aýmaqty shyǵys baǵytta Sháımerdenov, Beket Ata Myrzaǵululy, Mýsın kósheleri, al batys baǵytta Saın, Shalápın, Iassaýı kósheleri arqyly aınalyp ótýge bolady.
Jóndeletin aýmaqta eskertý belgileri, merdiger uıym basshysynyń baılanys nómiri jazylǵan stendter qoıylady. Marshrýtty aldyn ala josparlaýdy suraımyz.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS pen «Iandeks kartalar» servısterinde jazylǵan.
