12 sáýirge arnalǵan aýa raıy boljamy.
"Qazgıdromet" RMK Astana, Almaty jáne Shymkent qalalarynda aýa raıy qalaı bolatynyn aıtty, dep habarlaıdy Almaty-akshamy.kz
Boljamǵa sáıkes, elordada kún kúrt sýytý yqtımaldylyǵy joǵary, al elimizdiń ózge eń iri eki megapolısinde naızaǵaı oınap, jańbyr jaýady dep kútiledi:
Astanada - aspan bultty, kún raıy jaýyn-shashynsyz, túnde jáne tańerteń tuman bolady. Túnde ońtústik-batystan soqqan jeldiń ekpini 9-14 m/s, keı tusta 15-20 m/s deıin jetedi. Aýa temperatýrasy túnde: -3...-5°S, kúndiz: +7...+9°S;
Almatyda - aspan bultty, tańerteń jáne tústen keıin jańbyr jaýyp, arakidik naızaǵaı oınaıdy. Soltústik-shyǵystan soqqan jeldiń ekpini - 3-8 m/s, naızaǵaı kezindegi ekpini - 18 m/s. Aýa temperatýrasy túnde: +7...+9°S, kúndiz: +13...+15°S;
Shymkentte - aspan bultty, tańerteń jáne tústen keıin jańbyr jaýady, naızaǵaı oınaıdy, qatty jel turady. Soltústik-shyǵystan soqqan jeldiń ekpini - 8-13 m/s, tańerteń jáne tústen keıingi ekpini - 15-20 m/s. Aýa temperatýrasy túnde: +10...+12°S, kúndiz: +19...+21°S.
Sınoptıkter Qazaqstannyń basym bóliginde atmosferalyq frontaldy bólikterdiń júrýine baılanysty aýa raıynyń turaqsyz sıpaty saqtalatynyn, negizinen jańbyr jaýatynyn eskertedi.
"Elimizdiń ońtústiginde, ońtústik-shyǵysynda, taýly aımaqtarda jaýyn-shashyn (jańbyr, qar), respýblıkamyzdyń shyǵysynda, ortalyǵynda da jaýyn-shashyn (jańbyr, qar) bolady dep boljanady. Qazaqstan boıynsha tuman túsip, jel kúsheıeıý sıpaty basym, elimizdiń soltústik, shyǵys óńirlerinde kóktaıǵaq, ońtústik, ońtústik-shyǵys óńirlerinde naızaǵaı oınap, ońtústik-batysta kúndiz shańdy daýyl bolady", delingen "Qazgıdromet" RMK habarlamasynda.