Akademık Qanysh Sátbaevtyń 125 jyldyǵyna oraı Almatydaǵy «Metalýrgıa jáne ken baıytý ınstıtýtynda» jańa zerthana ashyldy, dep habarlaıdy almaty-akshamy.kz.
Ken oryndaryn ıgerýde tyń tehnologıalardy damytýǵa baǵyttalǵan joba Qytaıdyń damý qaýymdastyǵymen birlesip júzege asyrylyp jatyr. Búgin Qytaıdyń iri ǵylymı-zertteý ortalyǵy, «Jetisý Vólframy» kásiporny men otandyq «Metalýrgıa jáne ken baıytý ınstıtýty» yntymaqtastyq týraly memorandýmǵa qol qoıdy. Kelisim aıasynda Sátbaev ýnıversıtetiniń stýdentteri jańa zerthanada óndiristik tájirıbeden ótip, kásibı biliktilikti meńgeredi. «Ortaq joba - Qazaqstan men Qytaı arasyndaǵy mıneraldyq resýrstar salasyndaǵy yntymaqtastyqty nyǵaıtyp, bilim almasý úshin jańa múmkindikterge jol ashady», - deıdi mamandar.
- Vólfram keni dúnıejúzinde 4-orynda turady, qory jóninde. Sol osy Jetisý óńirinde. Jylyna bular 4,5 mln tonna rýda óndiredi, eki ken orny bar. Soǵan ǵylymı jumysqa biz qatysamyz. Sondyqtan bul laboratorıanyń keleshegi óte zor dep oılaımyn, -deıdi «Metalýrgıa jáne ken baıytý ınstıtýtynyń» bas dırektory Baqdáýlet Kenjalıev.