Bostandyq aýdanynyń Nur-Alataý shaǵyn aýdanynda Tótenshe jaǵdaılar vıse-mınıstri Erlan Nurpeıisovtyń qatysýymen jańa órt sóndirý deposynyń saltanatty ashylý rásimi ótti, dep habarlaıdy almaty-akshamy.kz Almaty qalasynyń TJD-na silteme jasap.
İs-sharaǵa TJD Almaty garnızonynyń jeke quramy jáne arnaıy shaqyrylǵan azamattyq qorǵaý salasynyń ardagerleri qatysty.
«Almaty qalasynyń ákimi Erbolat Asqarbekulyna tótenshe jaǵdaılardyń aldyn alý jáne joıý máselelerine qosqan eleýli úlesi úshin jeke alǵysymdy bildiremin. Óz kezeginde qyzmetkerlerden qoıylǵan mindetterdi úlgili oryndaýdy jáne senip tapsyrylǵan múlikke uqypty qaraýdy suraımyn», - dep atap ótti vıse-mınıstr Erlan Nurpeıisov.
Jergilikti atqarýshy organdardyń qoldaýymen salynǵan aýdany 2,5 myń sharshy metrden asatyn jańa órt deposy 4 shyǵýǵa eseptelgen-TJ-ǵa den qoıý ýaqytyn qysqartýǵa múmkindik beredi, bul qala halqynyń qorǵalýyn arttyrady.
Jalpy halyq sany 45 myńnan astam adam jáne 146 sharýashylyq sýbektisi bar «Qazaqfılm», «Nur-Alataý», «Nurlytaý», «Baǵanashyl», «Ermensaı», «Mıras» jáne «Aqqaıyń» shaǵyn aýdandarynyń turǵyndary órtten qorǵaýmen qamtamasyz etiledi.
«Shtat sany-shamamen 70 adam. Jańa depoda jeke quramdy ornalastyrýǵa jáne kúndelikti qyzmetti qamtamasyz etýge arnalǵan úı-jaılar, sondaı-aq trenajer sport zaly qarastyrylǵan. Órt sóndirý bóliminiń qarýlanýynda - aýdannyń talaptaryn eskere otyryp tańdalǵan 6 birlik órt tehnıkasy – taý bókterindegi jer jáne tar joldar. Bul 5 tonnadan turatyn tórt órt sóndirý avtosısternasy jáne «Toıota Haılúks», «Gaz Valdaı» jedel áreket etetin eki avtomobıl», - dedi Almaty TJD bastyǵy Nurlan Atyǵaev.
Kásibı daıyndyqty uıymdastyrý maqsatynda oqý-jattyǵý munarasy, kedergileri bar 100 metrlik jolaq bar. Sońǵy qabattarda garnızon qyzmetkerleri úshin jaıly 3 páter qarastyrylǵan.
- Búgingi tańda qalanyń qaýipsizdik kúzetinde órtke qarsy qyzmettiń 20 bólimshesi bar.
- Megapolıste taǵy úsh órt sendirý deposyn salý qarastyrylýda.
- Olar Túrksib aýdanynyń (Shyǵys qaqapasy sh/a), Naýryzbaı aýdanynyń ( Shuǵyla, Qaraǵaıly sh/a) salynady.
- Ákimdiktiń qoldaýymen Almaty garnızony jyl saıyn arnaıy jáne qosalqy maqsattaǵy jańa avtomobıldermen tolyqtyrylýda.