Almatyda megapolıstiń aglomerasıamen kólik baılanysyn arttyrý aıasynda qala mańyndaǵy qoǵamdyq kólik marshrýttary ashylyp jatyr, dep habarlaıdy aqshamnews.kz
Osylaısha, 28 qazannan bastap №237, №257 jáne №258 marshrýty iske qosyldy, al 1 qarashadan bastap №239 marshrýty iske qosylady dep josparlanyp otyr.
- №237 «Barlyq bazary – Qaratóbe aýyly» baǵytyndaǵy marshrýtta úlken syıymdylyqtaǵy 5 avtobýs qyzmet kórsetedi. Marshrýttyń jumys bastalý ýaqyty – 5:30, aıaqtalý ýaqyty – 23:05. Tasymaldaýshy – «Qaskeleń avtobýs parki» JSHS.
- №257 «№7 qalalyq aýrýhana – Eńbekshi aýyly» baǵytyndaǵy marshrýtta da úlken syıymdylyqtaǵy 5 avtobýs qyzmet kórsetedi. Marshrýttyń jumys bastalý ýaqyty – 5:30, aıaqtalý ýaqyty – 23:01. Tasymaldaýshy – «Qaskeleń avtobýs parki» JSHS.
- №258 «Jetisý bazary – Óstemir aýyly» baǵytyndaǵy marshrýtta 2 avtobýs qyzmet kórsetedi. Marshrýttyń jumys bastalý ýaqyty – 5:40, aıaqtalý ýaqyty – 22:01. Tasymaldaýshy – «Samat-Trans» JSHS.
- №239 «B. Momyshuly metro beketi – Dolan aýyly» baǵytyndaǵy marshrýtta 18 avtobýs qyzmet kórsetedi. Marshrýttyń jumys bastalý ýaqyty – 5:30, aıaqtalý ýaqyty – 23:01. Tasymaldaýshy – «Neo City Trans» JSHS.
Avtomobıl kóligimen jolaýshylar men bagajdy tasymaldaý erejesine sáıkes, bul marshrýttar konkýrstar ótkizilgenge deıin tasymaldaýshylarǵa berildi jáne testilik rejımde jumys isteıtin bolady. Sonyń nátıjesinde jolaýshylar legi men halyqtyń qajettiligi eskerilip, qozǵalys sqemalaryna ózgerister engiziledi.
Esterińizge sala keteıik, byltyr shahar basshysy Erbolat Dosaevtyń tapsyrmasymen ákimdik 600 avtobýs pen 100 troleıbýs satyp alyp, 22 jańa marshrýt, onyń ishinde 10 qala mańyndaǵy baǵyt uıymdastyryp, 50-ge jýyq eldi mekendi qamtydy. Bıyl taǵy 600 avtobýs, 112 troleıbýs jáne 100 elektroavtobýs satyp alý josparlanyp otyr.