Bostandyq aýdanyndaǵy órt sóndirý deposy «Qazaqfılm», «Kókshoqy», «Alataý», «Nur-Alataý» «Ermensaı» syndy bes shaǵyn aýdanǵa eseptelgen. Almaty qalasy ákimdiginiń baqylaýymen júrgizilip jatqan qurylys-montaj jumystary bıyl qarasha aıynda aıaqtalady, dep habarlaıdy almaty-akshamy.kz
Depo táýlik boıy 4 aýysymda jumys isteıdi, ár aýysymda 23 adam. İske qosylǵannan keıin qutqarýshylardyń órt ornyna kelý ýaqyty qysqarady. Jobaǵa sáıkes, úsh qabatty ǵımarattyń aýdany 3,7 sharshy metrden asty.
Deponyń birinshi qabatynda aýysym basshysynyń kabıneti, kezekshi aýysymnyń eki demalys bólmesi (árqaısysy 14 adam), aparattyq, dıspecherlik bólme, gaztutqyshtardy, jeńderdi saqtaýǵa jáne tekserýge, arnaıy kıimdi jýýǵa jáne keptirýge arnalǵan tehnıkalyq bólmeler, sheberhana, quraldar men qosalqy bólshekter qoımasy, rezervtik avtomobılderdiń garaj-turaǵy, avtokólik jýý jáne t.b. ornalasady.
Ekinshi qabatta sport zaly, dýsh jáne jýynatyn bólme, kıim-keshek bólmesi, qoıma, komendant bólmesi, tamaqtaný bólmesi, jýynatyn jáne jınaýǵa arnalǵan jabdyqtar qoıatyn bólme bar.
Úshinshi qabatta nusqaýshylarǵa arnalǵan kabınetter, hol, 56 adamǵa arnalǵan zal, 28 adamǵa arnalǵan jedel-taktıkalyq sheberlik synyby, psıhologıalyq keńes berý bólmesi, qabyldaý bólmesi, halyqqa nusqaý berý bólmesi, qyzmettik kabınetter jáne t.b. ornalasqan.
Depoda 4 avtomobılge arnalǵan turaq, sonymen qatar, 2 kólik quralyna arnalǵan rezervtik turaq uıymdastyrylǵan. Avtokólikke tehnıkalyq qyzmet kórsetýdiń arnaıy beket bar.
Buǵan deıin 2023 jyldyń mamyr aıynda jumys sapary kezinde Almaty ákimi Erbolat Dosaev atalǵan nysandy aralap, osy jyldyń jeltoqsan aıynda paıdalanýǵa berýdi tapsyrǵan bolatyn.
Qazirgi ýaqytta «BI Group» JSHS merdigeri ishki árleý, sonymen birge irgeles aýmaqty abattandyrý boıynsha jumystardy qolǵa alǵan.
Almatyda barlyǵy 19 órt sóndirý bólimshesi bar, qazir taǵy 3 jańa depony jobalaý jumystary júrgizilip jatyr.