Almatyda komúnıtı ortalyqtardyń sany 16-ǵa deıin kóbeıedi, dep habarlaıdy almaty-akshamy.kz
Almaty ákimi Erbolat Dosaev taǵy da birqatar komúnıtı ortalyq ashýdy tapsyrdy
Almatyda jastarǵa arnalǵan komúnıtı ortalyqtardyń sany 16-ǵa deıin kóbeıedi. Bul týraly Almaty qalasy boıynsha Qazaqstan halqy Assambleıasynyń XXVI sesıasy aıasynda Almaty ákimi Erbolat Dosaev habarlady.
«Biz ýáde etkendeı, qalada 16 komúnıtı ortalyq bolady. Bıyl 4-eýin, kelesi jyly taǵy 4-eýin ashamyz. Komúnıtı ortalyqtardyń paıdasy mol, jastardyń basyn qosatyn oryndar paıda boldy», - dedi qala basshysy Erbolat Dosaev.
Qazir qalanyń ár aýdanynda bir-birden 8 komúnıtı ortalyq ashylǵan.
Esterińizge sala keteıik, Almatyda jastardyń áleýetin tolyqqandy iske asyrý, sondaı-aq jastarǵa ataýly kómek kórsetý úshin ótken jyly jastar komúnıtı ortalyqtar ashylǵan.
Árbir komúnıtı ortalyq – 300 m2 qoǵamdyq keńistik, psıhologıalyq, zań kómegi, jumysqa ornalastyrý, kásiptik baǵdar berý, kásipkerlik máseleler boıynsha keńes berý, sondaı-aq jastar ıdeıasyn jedeldetý úshin kovorkıng aımaq bar.
2024 jyldyń basynan beri 750-den astam is-shara ótkizilip, 30 myńnan astam jas qatysqan. «Onaı» kartasy negizinde komúnıtı ortalyqtardyń rezıdentteri úshin klýbtyq kartochkalyq júıe engizildi. Karta kólikke, qoǵamdyq tamaqtanýǵa, sporttyq jáne mádenı ınfraqurylymdy paıdalanýǵa, oqytýǵa, sheberlik dáristerine jáne t.b. dıskont usynady.
Sondaı-aq, qalada jastarǵa arnalǵan 34 demalys ortalyǵy jańǵyrtyldy.