Jyl saıyn jańa jyldyq mereke kúnderi Almaty qalasynda jolaýshylar aǵyny aıtarlyqtaı tómendeıdi. Mysaly, 2022-2023 jj. jańa jyldyq demalys kúnderi Kólik holdıńiniń málimetinshe, jolaýshylar aǵyny kúnine 300 myń adamdy qurady, al jumys kúnderi bul kórsetkish 1,5 mln adamǵa jetedi.
Aldaǵy mereke kúnderi Almatyda qoǵamdyq kólik kelesi keste boıynsha jumys isteıtin bolady:
• 2023 jylǵy 30 jáne 31 Jeltoqsanda jáne 2024 jylǵy 2 qańtarda – shtattyq rejımde saǵat 23:00-ge deıin, jelide jyljymaly quramnyń 80% - y júretin bolady;
• 2024 jylǵy 1 qańtarda jolaýshylar aǵynynyń aıtarlyqtaı tómendeýi kútilýde, osyǵan baılanysty avtobýstardyń 50% jelige shyǵarylatyn bolady.
«Medeýge» deıin júretin №12 marshrýt jyljymaly quramnyń 20 birligi jelige shyǵa otyryp, demalys kúniniń kestesi boıynsha saǵat 23:30-ǵa deıin shtattyq rejımde jumys isteıtin bolady. №3 túngi marshrýttyń jumysy ózgerissiz qalady.
Almaty metropolıteni demalys kúniniń kestesi boıynsha saǵat 06:20-dan 00:00-ge deıin jumys jasaıtyn bolady, qozǵalys aralyǵy 12 mınýtqa deıin.