«Qarǵaly» jobasy: Almatyda ózen jaǵasynda yńǵaıly demalys aımaǵy paıda bolady
Almaty qalasynyń Naýryzbaı aýdanynda «Almaty — bizdiń ortaq úıimiz» naýqany aıasynda 7,7 shaqyrymǵa sozylyp jatqan «Qarǵaly» ózeniniń jaǵalaýy qaıta jańǵyrtylýda.
Esterińizge sala keteıik, naýqannyń úshinshi aptasy «Bizdiń qala – bizdiń taýlar, ózender men kólder» urany aıasynda ótýde. Apta ishinde jaǵalaýlar men sý aıdyndary, saıabaqtar, skverler men taý bókteri tazartylady.
Qarǵaly jobasynyń maqsaty — bul aımaqtyń ekojúıesin saqtaı otyryp, qala turǵyndarynyń demalýy úshin neǵurlym yńǵaıly ári tartymdy orta jasaý.
Munda ózen arnasyn tazartyp, serýendeý aımaǵyn qurý josparlanǵan. 3 myńǵa jýyq aǵash otyrǵyzylady. Sondaı-aq kópjyldyq gúlder men shópterdiń gúlzary, qylqan japyraqty jáne japyraqty aǵashtar men butalar egiledi. Jalpy uzyndyǵy 2,7 shaqyrymǵa jetetin sýarmaly sý qubyry tartylady.
Uzyndyǵy 4,3 shaqyrym bolatyn 196 jaryq baǵanasy ornatylady. Kelýshilerdiń jaılylyǵy úshin 135 oryndyq pen qoqys jáshigine qoıý josparda bar.
Jobanyń mańyzdy bóligi sol, balalar men sport alańdary, jaıaý júrý joldary men ózen jaǵasynda demalý múmkindigi bar jańa qoǵamdyq keńistik qurý. Átkenshek, syrǵanaq jáne órmeleý sıaqty ashyq oıyn elementteri balalardyń motorıkasy men fızıkalyq belsendiligin arttyrady. Balalarǵa arnalǵan qumsalǵyshtar men sý aımaqtaryn, sondaı-aq ata-analarǵa arnalǵan oryndyqtary men ústelderi bar demalys aımaǵyn qurý josparlanýda.
Túrli ereksheligi bar balalar úshin de oıyn alańdarynda ınklúzıvti elementter qoıylatyndyǵyn atap ótken jón.
Kópir jolyn qaıta quryp, jaıaý júrginshiler men velosıpedshilerge qaýipsizdik pen qoljetimdilik qamtamasyz etilmek. Trotýarlar men velosıped joldaryn ornatý qarastyrylǵan.
Bul joba «Qarǵaly» ózeniniń jaǵalaýyn qala shetindegi biregeı tabıǵı saıabaqqa aınaldyrady. Qurylys jumystaryn 2024 jyldyń qarasha aıyna deıin aıaqtaý josparda bar.
«Almaty – bizdiń ortaq úıimiz» naýqany týraly barlyq aqparat almaty.kz saıtynda, Almaty ákimdiginiń áleýmettik jelilerinde ornalastyrylǵan. Sondaı-aq, veb-saıtqa qala boıynsha bannerlerde, plakattarda arnaıy ornalastyrylǵan QR-kod arqyly da kirýge bolady.
Áleýmettik medıa naýqanynyń belsendi qatysýshylaryna arnalǵan heshtegter:
#AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.