Ákimdik qala turǵyndaryna áleýmettik jáne sporttyq baǵyttaǵy nysandardy «qoljetimdi» etý úshin jumysty jalǵastyryp jatyr.
Túrksib aýdanynyń turǵyndarymen kezdesýde Almaty ákimi Erbolat Dosaev 2023 jyldyń II toqsanynda «Jas Qanat» shaǵynaýdanynda baseıni bar zamanaýı dene shynyqtyrý-saýyqtyrý kesheni ashylatynyn aıtty, dep habarlady Almaty-akshamy.kz.
Onda júzý, sý doby, sınhrondy júzý, basketbol jáne basqa da sport túrleri bolady. III toqsanda áleýmettik nysandar ortalyǵy ashylady. Onda «Baqytty otbasy» áleýmettik ortalyǵy, «Shyńǵa órleý», «Ardagerler keńesi» jáne «Múgedekter qoǵamy» áleýmettik klýbtary ornalasady. Ǵımaratqa kúrdeli jóndeý júrgizý úshin búdjetten aqsha bólingen.