Bul týraly Almaty ákimi Erbolat Dosaev Túrksib aýdanynyń turǵyndarymen kezdesýde málimdedi, dep habarlaıdy almaty-akshamy.kz
«Slava Aeroporta» jáne «№6 oqýshylar úıi» skverlerin abattandyrý jumystary jalǵasady. Syrtqy jaryqtandyrý jelileri, jasyl aımaqtardy sýarý júıesi, oryndyqtar, qoqys jáshikteri ornatylyp, jaıaý júrginshiler joldary jańarady.
Ákim aýdan turǵyndary úshin jaıly qalalyq orta qurý qala ákimdiginiń erekshe baqylaýynda ekenin atady. Máselen, 2022 jyly Jarbulaq ózeniniń arnasyn keńeıtý jáne tereńdetý jumystary júrgizilip, uzyndyǵy 6,7 km irgeles aýmaq abattandyryldy. Sonymen qatar, byltyr «Aspan» parkiniń qurylysy aıaqtalyp, «Maıak» toǵaıy abattandyryldy.