Jańa Áleýmettik kodeks jobasy Memleket basshysynyń qaraýyna usynylyp, 1 shildeden bastap kúshine enedi.
Qazaqstan Respýblıkasy Eńbek jáne halyqty áleýmettik qorǵaý vıse-mınıstri Nazgúl Saǵyndyqova Áleýmettik kodeks normalaryn túsindirý boıynsha jumys saparyn megapolıstiń Halyqty jumyspen qamtý ortalyǵyna, Áleýmettik qyzmetter úıine barýdan bastady, sonymen qatar Óńirlik komýnıkasıalar qyzmeti alańynda brıfıń ótkizdi, dep habarlaıdy Almaty-akshamy.kz
Vedomstvonyń málimetinshe, qazirgi júıe zeınetkerlerdiń 3 urpaǵyn qamtıtyn bolady. Qujat bazalyq zeınetaqynyń mólsherin arttyrýdy kózdeıdi, 2024 jyldyń 1 qańtarynan bastap bolashaq zeınetkerler úshin jumys berýshilerden qosymsha zeınetaqy jarnalary engiziledi.
«Ózgeristerde 1998 jylǵa deıin jáne 1998 jyldan keıin zeınetkerlikke shyqqan zeınetkerler zeınetaqy tólemderiniń negizgi bóligin memleketten, al bolashaq zeınetkerler jınaqtaýshy zeınetaqy júıesinen alatyn bolady», - dep túsindirdi vıse-mınıstr.
Sonymen qatar, Kodeks normalary ınvestorlarǵa óz aktıvterin basqarýǵa múmkindik beredi. Azamattar belgilengen jetkiliktilik shegin emdeýge jáne turǵyn úı satyp alýǵa jumsaı alady. Salymshylar alynǵannan keıin qalǵan zeınetaqy jınaqtarynyń nemese barlyq jınaqtalǵan somanyń 50%-dan aspaıtyn bóligin jeke basqarýǵa bere alady.
«Bul rette, zeınetaqy jınaqtarynyń saqtalýyna memlekettik kepildik tek Ulttyq bank basqaratyn jınaqtardyń bóligine ǵana qoldanylatynyn atap ótken jón», - dep tolyqtyrdy spıker.
Sonymen qatar, ol ınvestorlar basqarýshy kompanıalardy tańdaǵan kezde yqtımal táýekelderdi ózderi baǵalaýy kerek dep qosty.