Fılm Jambyl Jabaevtyń ómiriniń sońǵy 9 jylyn qamtıdy.
19 jeltoqsan kúni Almaty qalasyndaǵy Chaplin MEGA Alma-Ata kınoteatrynda «Jambyl. Jańa dáýir» kórkem fılminiń pres-kórsetilimi ótti, dep habarlaıdy Almaty-akshamy.kz Inbusiness.kz cilteme jasap.
Fılmniń oqıǵalar jelisi Jambyl Jabaevtyń ómiriniń sońǵy 9 jylyn qamtıdy. Dál osy kezeńde aqynnyń aty búkil Keńes Odaǵyna dúrkireı tanylǵan bolatyn, biraq aqynnyń basyna túsken bar ataq-dańqtyń basqa qyryn biri bilse, biri bilmeıdi.
Jambyl Jabaev toqsanǵa kelgende Qazaqstan ónerpazdarynyń ekinshi sletine qatysyp, aqyndar arasynda bas júlde alady. Onyń Suranshy batyr jaıly dastanyn Qalmaqan Ábdiqadyrov qolma-qol jazyp alyp, gazetke basady. Osy oqıǵadan soń, sovet ıdeologıasyn jasaýshylar Jambyldyń abyroıy men tanymaldyǵyn paıdalanýǵa kirisedi. Jambyl tulǵasymen tolyqtaı aınalysa bastaıdy. Onyń kóptegen óleńderin sovet saıasatyna telip burmalaıdy. Alaıda, Jambyl buǵan deıin de qazaq arasynda zor abyroı men keń tanymaldyqqa ıe bolatyn. Ol óziniń óleńderin burmalaýshylarmen kelisimge kelgisi joq edi. Biraq sovet bıligi qoldaǵy bar tetikterdi paıdalana otyryp, onyń asaý basyn noqtaǵa syıdyrýǵa tyrysady. Mine, fılm jelisi sýyryp salma aqynnyń ómiriniń osy tusyna kóbirek mán beredi.