Jármeńkede jumys berýshiler izdenýshilermen kezdesedi.
2022 jylǵy 19 qazanda saǵat 11:00-de Almaty qalasyndaǵy Arbattyń boıynda (Jibek Joly-Panfılov) jalpyqalalyq bos oryndar jármeńkesi ótedi. Jármeńkeni Almaty qalasy ákimdiginiń tehnıkalyq qoldaýymen «Almaty qalasy ákimdiginiń Halyqty jumyspen qamtý ortalyǵy» KMM uıymdastyrady, dep habarlaıdy Almaty-akshamy.kz.
Jármeńke ótkizýdiń maqsaty - jastar men oqý oryndarynyń túlekteri jáne jumys izdeýshiler úshin jumys oryndarynyń qoljetimdiligin keńeıtý, laıyqty úmitkerlerdi tartý arqyly jumys berýshiler úshin jaldaý prosesin jeńildetý jáne olardyń jumysqa ornalasýyna járdemdesý.
Jármeńkege ónerkásip, óndiris, saýda jelileri, tamaqtaný, medısına, farmasevtıka, bilim berý salalarynan jumys berýshiler qatysady.
Jármeńkede jumys berýshiler izdenýshilermen kezdesedi, al izdenýshiler qoıylǵan talaptarmen, bos jumys oryndarmen tanysady. Ótinish berýshiler túıindemeni jiberýge jáne sol jerde aldyn ala suhbattasýǵa múmkindik alady.
Tirkeý ýaqyty saǵat 10:00-de.
Jumys berýshilerdiń ótinishterdi qabyldaý úshin tómendegi poshtaǵa prm@cz-almaty.kz jiberýińizdi suraımyz jáne osy +7 (708) 522-44-35 nómiri boıynsha habarlasyńyz.
Tolyq aqparat alý úshin Almaty qalasy ákimdiginiń Halyqty jumyspen qamtý ortalyǵyna, Dostyq dańǵyly, 85 mekenjaıy boıynsha habarlasý qajet.
Tel.: +7 (727) 310 21 31
Elektrondyq poshta: info@cz-almaty.kz