Aldyn ala málimet boıynsha jol-kólik oqıǵasynan 4 bala, 2 eresek adam kóz jumǵan
13 qazan keshki saǵat 17.30 shamasynda Almaty oblysynyń Eńbekshiqazaq aýdanynda jol apatynan 6 adam qaza taýyp, 3 adam jaraqat aldy, dep habarlaıdy Almaty-akshamy.kz.
Qaıǵyly jaǵdaı "Almaty - Kókpek - Kóktal" tasjolynyń 69-shaqyrymynda oryn alǵan. 28 jastaǵy Mercedes júrgizýshisi qarsy qozǵalys jolaǵyna shyǵyp, Subaru kóligimen soqtyǵysqan.
Oqıǵa ornynda Mercedes kóliginde bolǵan 6 adam qaza tapty, onyń 4-eýi – kámeletke tolmaǵan balalar.
Zardap shekken taǵy 3 adam ártúrli jaraqatpen jaqyn mańdaǵy aýrýhanaǵa jatqyzyldy.
Aıta ketý kerek, 1992 jyly shyqqan Mercedes-te 9 adam bolǵan, onyń altaýy – bala.
Qazirgi ýaqytta polısıa qyzmetkerleri istiń mán-jaıyn anyqtap jatyr. Fakti boıynsha qajetti saraptamalar taǵaıyndaldy. Sotqa deıingi tergep-tekserý bastaldy.