Jergilikti polısıa qyzmetiniń mamandandyrylǵan batalónynyń ekıpajy İİM-niń kórneki quraldary bar Hyundai avtokóligin anyqtady, dep habarlaıdy Almaty-akshamy.kz Polisia.kz-ke silteme jasap.
«Belgili bolǵandaı, fılmderdiń biriniń ákimshiligi kólikti rekvızıt retinde paıdalanǵan. Iaǵnı, senarı boıynsha fılmde patrúldik polısıamen epızod bar. Ol bul áreketterdiń zańǵa qaıshy jáne jaýapkershilikke ákep soǵatyny týraly oılanbastan, polısıanyń qyzmettik kólikteriniń dál kóshirmesin jasaýdy uıǵardy. Elestetip kórińizshi, eger árbir kınorejısser qajet bolǵan jaǵdaıda jalǵan rekvızıtter, bul jaǵdaıda polısıa kóligi, qoldan jasaıtyn bolsa, haos bolady. Ol kezde jalǵan polıseılerge ózderiniń qylmystyq isterin júzege asyrýǵa múmkindik beredi. Jalǵan kólik mamandandyrylǵan aıyppul turaǵyna qoıyldy. Onyń avtorlaryna zań aıasynda shara qoldanyldy», – dedi Almaty qalalyq polısıa departamenti bastyǵynyń birinshi orynbasary Nurlan Almasbekov.
Sonymen qatar, PD-da osyǵan uqsas derekterge jol berilmeıtinin eskertip, árbir mundaı epızodqa túbegeıli quqyqtyq baǵa beriletinine ýáde berdi.