Kólikti mas kúıinde basqarǵan azamattardy jaýapkershilikke tartý boıynsha maqsatty jumystar jalǵasýda
Almatyda «Qorǵaý – Qaýipti júrgizýshi» jańa júıesiniń alǵashqy qorytyndysy shyǵaryldy, dep habarlaıdy Almaty-akshamy.kz Almaty qalalyq Polısıa departamentine silteme jasap.
Almaty qalasy ákimshilik polısıasynyń málimetinshe, «Qorǵaý – Qaýipti júrgizýshi» bazasyna jalǵan memlekettik nómirleri jáne saqtandyrý polısi joq shetelde tirkelgen MTNB bar kólikter týraly málimetterdi engizý boıynsha kúndelikti jumystar júrgizilýde.
«Búgingi tańda aqparattyq bazaǵa jalǵan nómirleri bar 766 kólik, sondaı-aq, saqtandyrý polısi joq 549 sheteldik nómiri bar kólik quraldary engizildi. Sonymen qatar, maqsatty is-sharalardy ótkizý kezeńinde aldyńǵy sheptegi bólimshelerdiń qyzmetkerleri 91 kólikti ustaǵanyn, keıinnen olar aıyppul turaǵyna ornalastyrylǵanyn habarlaımyz. Sondaı-aq, ártúrli jol qozǵalysy erejelerin buzǵan 12 myń 994 ákimshilik quqyq buzýshylyq anyqtaldy», - dedi, Almaty qalalyq PD Ákimshilik polısıa Basqarmasynyń bastyǵy polısıa polkovnıgi Nurlan Amanbek.
Bólimsheniń habarlaýynsha, qalada jalǵan memlekettik nómirlerdi paıdalanatyn, kólik quraldaryna arnaıy belgi berý qurylǵylaryn ornatqan kólik júrgizýshilerin, sondaı-aq, kólikti mas kúıinde basqarǵan azamattardy jaýapkershilikke tartý boıynsha maqsatty jumystar jalǵasýda.