Qırandy astynda qalyp ketken adam kóp
Irannyń Abadan qalasynda 10 qabatty ǵımarat opyrylyp qulady. Qırandynyń astynda shamamen 80 adam bolýy múmkin, dep habarlaıdy Almaty-akshamy.kz Zakon.kz-ke silteme jasap.
Qutqarýshylardyń sońǵy málimetteri boıynsha, oqys oqıǵa saldarynan bes adam qaza tapty, taǵy 27 adam jaraqat aldy.
Sondaı-aq, provınsıa gýbernatory basqarmasy taoartqan málimetke súıensek, atalǵan apatty jaǵdaıdan qaza tapqandar men zardap shekkender budan da kóp bolýy múmkin, óıtkeni qulaǵan ǵımarat qaladaǵy tyǵyz ornalasqan kópqabatty turǵyn-úıler arasynda bolǵan.
"Qutqarý operasıasy kórshi ǵımarattyń da áreń turǵandyǵyna baılanysty qıynǵa soǵýda, ol da qulap ketýi múmkin", – dedi Qyzyl jarty aıdyń jergilikti qoǵamy.
Qazirgi ýaqytta oqıǵa ornynda birneshe qutqarý jáne órt sóndirý bólimsheleri, sondaı-aq dárigerler jumys istep jatyr.
Bılik izdestirý jumystaryna taǵy 50-ge jýyq qutqarýshylar tobyn, sondaı-aq zardap shekkenderdi aýrýhanaǵa evakýasıalaý úshin tikushaqty da jumyldyrdy.