Almaty polısıasy jurtty 22 mln teńgege san soqtyrǵan alaıaq áıeldi ustady.
Asa iri kólemde alaıaqtyq jasady degen kúdikke ilingen BQO-nyń týmasy, 53 jastaǵy R. esimdi áıel qamaýǵa alyndy, dep habarlaıdy Almaty-akshamy.kz Polisia.kz-ke silteme jasap.
«25 jábirlenýshige keltirilgen jalpy materıaldyq shyǵyn 22 mln teńgeden asady. Kúdikti QR QPK-niń 128-babyna sáıkes, PD-nyń ýaqytsha ustaý ızolátoryna qamaldy. Tergeýdiń osy kezeńinde áıeldiń azamattardyń senimine kirip, olarǵa jer telimderin naryq baǵasynan tómen baǵaǵa satyp alýdy usynǵany anyqtaldy. Ol “áleýetti klıentterden” bastapqy jarnany alǵan, onyń somasy jer teliminiń ornalasqan jerine baılanysty ózgerip otyrdy. Áıel adam aqshany alǵannan keıin habarsyz ketken. Qazirgi tańda 25 qylmystyq epızod anyqtaldy», – dedi Alataý aýdandyq polısıa basqarmasynyń bastyǵy Talǵat Berkinbaev.
Polısıa qyzmetkerleri R. esimdi azamatshanyń qalanyń basqa da jerlerinde osyǵan uqsas qylmysqa qatysy bar bolýy múmkin ekenin joqqa shyǵarmaıdy. Osyǵan baılanysty olar azamattardan osy sýretke muqıat qarap, áıeldi tanyǵan jaǵdaıda, myna telefon nómirlerine habarlasýdy suraıdy: 8-702-448-63-37 jáne 227-55-02.