Úsh bólmeli páterler maýsymda – 280 000 teńge, tamyzda – 319 000 teńge
Krisha.kz sarapshylary Almatyda páter jaldaý baǵasy orta eseppen 15 paıyzǵa óskenin aıtty, dep habarlaıdy Almaty-akshamy.kz Tengrinews.kz –ke silteme jasap.
Tamyzdyń ekinshi aptasynan bastap páterler baǵasy óskeni baıqalǵan. 9 tamyzdaǵy jaǵdaı boıynsha, Almatyda páter jaldaý baǵasy sharshy metrine 4900 teńge boldy. Keıingi aılarda eki bólmeli páter aıtarlyqtaı qymbattaǵan – baǵa 25 paıyzǵa ósti. Bir bólmeli páterler boıynsha ósim nebári 7 paıyz, al úsh bólmeli páterler boıynsha 14 paıyz bolǵan.
Osylaısha, maýsymda bir bólmeli páterlerdi jalǵa alý ortasha eseppen aıyna 140 000 teńge bolǵan. Tamyzda – 150 000 teńge.
• Eki bólmeli páterler maýsymda – 200 000 teńge, tamyzda – 250 000 teńge,
• Úsh bólmeli páterler maýsymda – 280 000 teńge, tamyzda – 319 000 teńge.
Turǵyn úı keshenderinde tamyzda páter baǵasy sharshy metrine - 5200 teńge.
2015-2020 jyldary salynǵan turǵyn úı keshenin jalǵa alý quny:
• bir bólmeli páterler – 150 000 teńge;
• eki bólmeli páterler – 340 000 teńge;
• úsh bólmeli páterler – 500 000 teńge.
Páter jaldaý aqysy da qala aýdandaryna baılanysty aıtarlyqtaı erekshelenedi. Alataý, Jetisý, Naýryzbaı, Túrksib, Áýezov aýdandaryndaǵy bir bólmeli páterler 150 myń teńgege deıin barady. Almaly, Bostandyq, Medeý aýdandarynda 170 myń teńgeden basataldy. Alataý, Jetisý, Naýryzbaı, Túrksib jáne Áýezov aýdandarynda eki bólmeli páterler aıyna 170-200 myń aralyǵynda bolady. Almaly, Bostandyq jáne Medeý aýdandarynda eki bólmeli baspananyń baǵasy 250 myń teńgeden bastalady.
Qalanyń ár aýdanyndaǵy ózgeristerge kelsek, Bostandyq, Medeý jáne Jetisý aýdandarynda eki bólmeli páterlerdiń, Medeý, Bostandyq jáne Áýezov aýdandarynda úsh bólmeli páterlerdiń jaldaý aqysy aıtarlyqtaı ósken.