Festıvál Dáýren Qamshybaevtyń baıqaýdan tys kórsetiletin debúttik kartınasy – «Zere» fılminiń ulttyq premerasymen ashylady
2021 jyldyń 30 qarashasy men 4 jeltoqsany aralyǵynda Almatyda IX halyqaralyq «Bastaý» stýdenttik jáne debúttik fılmder kınofestıvali ótedi, dep habarlaıdy Almaty-akshamy.kz.
Festıváldiń negizgi maqsaty – Eýropa men Azıanyń jas kınematografısteri arasynda yntymaqtastyq ornatý, olardyń jumystaryn qoldaý jáne ilgeriletý, túrli janrdaǵy kınofılmderdi jasaýǵa degen qyzyǵýshylyqty arttyrý. «Bastaý» kınofestıvali jas rejıserler men senarısterge óz jobalaryn iske asyrý úshin biregeı alań bolyp tabylady. «Bastaýdyń» konkýrstyq baǵdarlamasy 3 bólimnen turady: tolyqmetrajdy fılmder baıqaýy – Bastau DEBUTS, qysqametrajdy fılmder baıqaýy – Bastau SHORTS jáne derekti fılmder baıqaýy – Bastau DOCS.
Festıvál Dáýren Qamshybaevtyń baıqaýdan tys kórsetiletin debúttik kartınasy – «Zere» fılminiń ulttyq premerasymen ashylady. Buǵan deıin bul fılm tek Brazılıadaǵy São Paulo International Film Festival halyqaralyq kınofestıvaline qatysqan. Kartınada basty rólderde tanymal juldyzdar Berik Aıtjanov, Murat Bısenbın, Adına Bajan jáne Olga Landına oınaıdy.
Sondaı-aq, konkýrstan tys Aıjan Qasymbektiń «Ot» kartınasy kórsetiledi. Fılmniń álemdik premerasy jaqynda ǵana Pýsandaǵy (Ońtústik Koreıa) halyqaralyq kınofestıvalde ótti. Sonymen qatar, bıyl fılm Germanıadaǵy Film Festival Cottbus jáne Sıngapýrdaǵy Singapore International Film Festival kınofestıvalderine qatysty. Al basty róldi somdaǵan Tólepbergen Baısaqalov Sochıdegi X Russian British Sochi international film festival & Awards 2021 kınofestıvalinde jáne Los-Andjelestegi Asian World Film Festival kınofestıvalinde eki birdeı marapatty jeńip aldy.