Almatynyń krımınaldyq polısıasynyń málimetinshe, ótken jyldyń qorytyndysy boıynsha ınternet-alaıaqtyq 12 paıyzǵa azaıǵan.
Sondaı-aq alaıaqtyqtyń bul túrin anyqtaý kórsetkishi aıtarlyqtaı jaqsardy. Ótken jyly Kıbernadzor aqparattyq júıesi arqyly ınternet-alaıaqtyqqa yqpal etetin 746-dan astam resýrs anyqtaldy jáne buǵattaldy, dep habarlaıdy aqshamnews.kz Polisia.kz-ke silteme jasap.
Sonymen qatar jıi alaıaqtardyń qurbany bolatyn qart adamdarmen aldyn alý sharalary júrgizilýde: polısıa qyzmetkerleri jadynamalar taratyp, alaıaqtyqtyń jańa túrleri men ádisteri týraly túsindirýde.
– Ókinishke qaraı, kıberqylmyskerlerdiń zamanaýı ádisteri bizdi ınternettegi qylmyspen kúresý úshin jedel jáne aldyn alý sharalaryn qabyldaýǵa mindetteıdi. Osyǵan oraı, ótken jyly polısıa departamentinde «Kıberpol» bólimshesi qurylyp, İT-tehnologıalar salasyndaǵy qylmystardy ashý jumysyn jalǵastyrýda, – dedi, Almaty qalalyq PD krımınaldyq polısıa basqarmasynyń bastyǵy Talant Isaev.
Almaty qalalyq polısıasy taǵy da azamattardy jeke derekterine qatysty tártipti saqtaýǵa shaqyrady: eshkimge jeke málimetterdi, telefondaryńyzdyń qupıa sózderin nemese kartalaryńyzdyń CVR kodtaryn bermeńiz. Olardy alaıaqtar paıdalanýy múmkin. Banktiń kez kelgen qońyraýyn, týystarmen bolǵan kez kelgen jaǵdaı qaıta tekserilýi kerek.