Ol jerde Grýzıa azamattary zańsyz tabys tapqan.
Bul týraly krımınaldyq polısıa departamenti kıberqylmysqa qarsy kúres ortalyǵynyń bastyǵy Jandos Súıinbaı málimdedi, dep habarlaıdy Almaty-akshamy.kz Sputnik.kz-ke silteme jasap.
Resmı málimetke sáıkes, sońǵy birneshe aıda ártúrli ınvestısıalar men ınvestısıalardy tartý arqyly jasalǵan alaıaqtyqtardyń sany artty. Budan bólek, bank qyzmetkerleri jáne quqyq qorǵaý organdarynyń atynan halyqty aldaıtyn alaıaqtar az emes. Bıyl úsh aıdyń ishinde ǵana 400-den astam qylmys tirkeldi.
«Mysalǵa, Almaty qalasynda kıberqylmysqa qarsy kúres bóliminiń qyzmetkerleri jedel izdestirý is-sharalaryn júrgizý barysynda ınternet-alaıaqtardyń koll-ortalyǵyn anyqtady. Júrgizilgen operasıa barysynda Grýzıa Respýblıkasynyń 24 azamatynan turatyn top ustaldy», - dedi Súıinbaı búgingi onlaın brıfıńte.
Onyń aıtýynsha, alaıaqtarǵa senip qalǵan adamdar kod pen paróldi aıtyp qana qoımaı, kredıtke aqsha alady. Al keıbireýler páter men kóligin satyp, barlyq aqshany alaıaqtarǵa jibere salǵan.
Qazirgi kezde barlyq óńirde ınternet-alaıaqtyqty tergeý boıynsha mamandandyrylǵan toptar jumys isteıdi. Al Astanada "Kıberpol" pılottyq jobasy iske qosyldy.
Aıta keteri, bıyl úsh aıdyń ishinde qazaqstandyqtar 3 mıllıard teńgege aldandy.