Qurylys úshin jer ýchaskelerin berýge tyıym salynady.
Jer kodeksine qurylys úshin jer ýchaskelerin berýge tyıym salýdy kózdeıtin ózgerister men tolyqtyrýlar engizildi, dep habarlaıdy Almaty-akshamy.kz
Joǵary aýdıtorlyq palatanyń málimetinshe, 2020 jylǵy qazanda «Nurly jer» memlekettik turǵyn úı qurylysy baǵdarlamasynyń iske asyrylý barysynyń tıimdiligine memlekettik aýdıt júrgizilgen. Aýdıt barysynda jeke turǵyn úı qurylysyn damytý jer ýchaskelerin bólý tásilderin qaıta qaraýsyz, tek turǵyn úı qurylysy aýdandaryna ınjenerlik-kommýnıkasıalyq ınfraqurylym júrgizý arqyly turǵyn úıge qoljetimdilik máselelerin sheshýge yqpal etpeıtini anyqtaldy.
Osyǵan oraı Aýyl sharýashylyǵy mınıstrligine halyqtyń tyǵyzdyǵyna jáne óńirlerdiń qala qurylysy jaǵdaılaryna baılanysty jeke turǵyn úı qurylysy úshin beriletin jer ýchaskeleriniń alańdaryn aıqyndaýǵa saralanǵan tásildi qoldaný arqyly jer ýchaskelerin berý tártibin reglamentteıtin normatıvtik quqyqtyq aktilerdi jetildirý jóninde sharalar qabyldaý tapsyryldy.
Bıyl 5 sáýirde Jer kodeksine halyqtyń eseptik sany jıyrma myń adamnan asatyn eldi mekenderdiń egjeı-tegjeıli josparlaý jobalary nemese bas josparlary bolmasa, qurylys úshin jer ýchaskelerin berýge tyıym salýdy kózdeıtin ózgerister men tolyqtyrýlar engizildi. Tyıym salý halyq sany jıyrma myń adamǵa deıingi egjeı-tegjeıli josparlaý jobasymen biriktirilgen bas josparlarǵa (nemese olardyń sany bes myń adamǵa deıingi eldi mekenderdi damytý men salýdyń olardy almastyratyn sqemasyna) qatysty, sondaı-aq ınjenerlik jeliler bolmaǵan jaǵdaılarǵa qatysty bolyp otyr.