Jol apaty Abaı dańǵylynyń boıynda bolǵan.
Almatyda avtobýs ınkasator kóligine soǵyldy, dep habarlaıdy Almaty-akshamy.kz Almaty qalalyq polısıa departamentiniń baspasóz qyzmetine silteme jasap.
Jol apaty 25 jeltoqsan kúni tańǵy saǵat 7:40 shamasynda Abaı dańǵylynyń boıynda bolǵan.
«GAZ markaly avtokóliktiń 40 jastaǵy júrgizýshisi Abaı dańǵylynda, №141-úıge qarama-qarsy ońtústik baǵytta artqa burylyp, Abaı dańǵylymen batys baǵytta júrip kele jatqan Golden Dragon avtobýsymen soqtyǵysqan. Oqıǵa saldarynan GAZ kóliginiń júrgizýshisi zardap shekti. Ol aýrýhanaǵa jatqyzylǵan joq», - dedi Almaty polısıa departamentiniń resmı ókili Saltanat Ázirbek.
Qazir bul derekti aýmaqtyq jaǵynan Almaly aýdanynyń polısıa qyzmetkerleri anyqtap jatyr.