AQSh-ta 1,8 mıllıonǵa juyq úı jaryqsyz qaldy.
AQSh pen Kanadada qatty dauyl saldarynan kem degende 50 adam qaza tapty, dep habarlaıdy Almaty-akshamy.kz.
Jergílíktí BAQ-tyń habarlauynsha, AQSh-ta dauyl 46 adamnyń ómírín qıdy. Kanadanyń Brıtandyq Kolumbıya provıntsıyasynda avtobus kóktaıǵaq jolda audarylyp, taǵy tórt adam qaza tapty.
AQSh-ta qaza tapqandardyń 18-í Nyu-Iork shtatyndaǵy Buffalo qalasynyń tūrǵyndary. Óńírdegí dauyldyń qūrbandary kólíkte qalǵan adamdar boldy.
Ūlttyq aua raıy qyzmetí 25 jeltoqsanda Buffalo áuejaıynda 1,2 metrge juyq qar jauǵanyn habarlady.
Demalys kúnderí Nyu-Iork gubernatory Ketı Hochul shtattyń kóptegen jedel járdem kólíkterí men órt sóndíru kólíkterí qar astynda qalyp qoıǵanyn aıtty.
Buffalo polıtsıya departamentí qarda júretín kólík ıeleríne ízdeu-qūtqaru jūmystary boıynsha kómek sūrap, onlaın úndeu jarıyalady.
AQSh-ta 1,8 mıllıonǵa juyq úı jaryqsyz qaldy, myńdaǵan reıster toqtatylyp, keshíktíríldí. Kanadada kem degende 140 000 úı elektr quatynsyz qaldy.