Almatyda 21-24 qazan aralyǵynda İİ Halyqaralyq qýyrshaq teatrlary festıvali Almaty puppet festival – 2024 ótedi. Bıyl oǵan Qytaı, Polsha, Chehıa, Bolgarıa, Grýzıa, Túrkıa, Ázerbaıjan, Ózbekstan, Reseı, Bashqurtstan jáne Qazaqstannyń úzdik teatr ujymdary qatysady, dep habarlaıdy aqshamnews.kz.
Almaty qalasy ákimdiginiń qoldaýymen Memlekettik qýyrshaq teatry uıymdastyratyn festıváldiń maqsaty – kórermenderdi zamanaýı qýyrshaq óneriniń qoıylymdarymen tanystyrý, halyqaralyq shyǵarmashylyq baılanystardy nyǵaıtý jáne teatr salasyndaǵy kreatıvti oılardy shabyttandyratyn shyǵarmashylyq alań qurý.
«Biz úshin bul festıvál úlken merekege aınaldy. Ótken jyly alǵash ret osy aýqymdy sharany ótkizgende oǵan 6 eldiń qýyrshaq teatrlary qatysty. Bıyl 11 elden kelgen ujymdar qatysyp jatyr. Bul bizdiń festıváldiń bedeli men abyroıynyń kórsetkishi», – dedi Memlekettik qýyrshaq teatrynyń dırektory Almat Ábdirahmanov.
İİ Halyqaralyq qýyrshaq teatrlary festıvali Almaty puppet festival – 2024 qala mádenıetiniń mańyzdy oqıǵasy bolmaq, sondaı-aq qýyrshaq óneriniń sheberleri arasynda tájirıbe men ıdeıa almasý alańyna aınalady. Festıvál aıasynda túrli erekshe qýyrshaq keıipkerleri bar qoıylymdardan bólek, tanymdyq shyǵarmashylyq kezdesýler men sheberlik dáristeri de ótkiziledi.