Osy jyldyń 1 naýryzynan bastap jetim balalardy tárbıelep otyrǵan otbasylar Almatyda HÁOT úshin qarjylyq kómekke úmitker bola alady, dep habarlaıdy almaty-akshamy.kz
2024 jylǵy 1 sáýirden bastap halyqtyń áleýmettik osal toptaryna (HÁOT) jatatyn azamattar sanattary úshin ótemaqy tólemi 0,8 AEK, ıaǵnı 2 954 teńgeni quraıdy. Bul týraly Almaty qalasy Máslıhatynyń XV sesıasynda jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov málimdedi.
HÁOT sanattaryn qarjylyq qoldaýdyń artýy komýnaldyq qyzmetter tarıfteriniń ósýimen baılanysty.
«HÁOT qosymsha qoldaý sharalaryn kórsetý úshin qoldanystaǵy áleýmettik kómektiń mólsherin 2024 jylǵy 1 naýryzdan bastap 0,75 AEK – 2769 teńgege deıin arttyrý usynylady», – dep naqtylady Baýyrjan Jaýbasov.
Almaty Máslıhatynyń bastamasy boıynsha áleýmettik kómek alýshylardyń tizbesine jetim balalar sanaty engizildi. Aǵymdaǵy jyldyń 1 naýryzynan bastap jetim balany 18 jasqa deıin qamqorlyqqa alǵan otbasy komýnaldyq qyzmetterge tarıfterdi kótergeni úshin ótemaqy talap ete alady.
Qazirgi ýaqytta Almatyda HÁOT-qa jatatyn 315 myń azamat turady, onyń 133 myńy ótemaqy kómegine júgindi. Esterińizge sala keteıik, sýmen jabdyqtaýǵa ótemaqy 2023 jylǵy 1 shildeden bastap 0,5 AEK mólsherinde jáne 2023 jylǵy 1 qarashadan bastap elektr energıasyna 0,6 AEK kóleminde kórsetilýde.