2-7 qyrkúıek aralyǵynda Almatyda júlde qory 100 000 AQSH dollary bolatyn «WTT Contender Almaty» halyqaralyq týrnıri ótedi, dep habarlaıdy aqshamnews.kz
Bıyl jarysqa álemniń 21 elinen 143 sportshy qatysady. Olardyń qatarynda Aýstralıa, Vetnam, Germanıa, Úndistan, Iran, Ispanıa, Qytaı, Koreıa, Lúksembýrg, Malaızıa, Meksıka, Rýmynıa, Saýd Arabıasy, Serbıa, Sıngapýr, Slovakıa, Slovenıa, Ózbekstan, Fransıa, Japonıa jáne Qazaqstan bar.
Jankúıerler álemdik ústel tenısiniń juldyzdary – Eýropanyń úsh dúrkin TOP-16 chempıony Darko Iorgıch (Slovenıa), jastar arasyndaǵy álem chempıonatynyń kúmis júldegeri Sora Matsýshıma (Japonıa), Olımpıada oıyndarynyń kúmis júldegeri Shan Sáona (Germanıa) jáne álem chempıonatynyń qola júldegeri Honoka Hashımotonyń (Japonıa) oıyndaryn tamashalaı alady.
Medaldar erler men áıelder arasynda jekeleı, juptyq jáne aralas sanattar boıynsha sarapqa salynady.
Týrnırdiń tikeleı translásıasyn «Qazsport» telearnasynan jáne World Table Tennis (WTT) resmı YouTube arnasynan kórýge bolady.
Halyqaralyq týrnır «ADD Ustel Tennis Ortalygy» (Nurkent yqsham aýdany, 14B) ortalyǵynda ótedi. Kirý – aqyly, bıletter kino.kz saıtynda satylady.