Qalamyzda sırk óneriniń festıvali osymen qatarynan ekinshi jyl ótkizilýde.
Oǵan alys-jaqyn 18 eldiń úzdik ónerpazdary qatysýda. Festıvál Qazaq memlekettik sırkiniń 54 jyldyǵymen de baılanystyrylǵan, dep habarlaıdy aqshamnews.kz 24.kz arnasynyń aqparatyna súıenip.
Óner merekesine qatysýshylar men jeńimpazdar Almatyda qalyp, bir aı boıy áıgili Qazaq memlekettik sırkiniń arenasynda kórermender aldynda óner kórsetedi.
Atalǵan festıvál byltyr birinshi ret Almatyda uıymdastyrylǵan bolatyn. Halyqaralyq shara ulttyq sırk óneriniń jetistikterin álemge tanytýǵa mańyzdy úles qosýda. Qazaq memlekettik sırkiniń dırektory Maqsat Jaıyqov aýqymdy festıváldiń uıymdastyrylýy elimizde mádenı týrızmniń belsendi damýyna yqpal etetinin atap ótti.
Maqsat Jaıyqov, Qazaq memlekettik sırkiniń dırektory:
- Eń bastysy, joǵary deńgede ótedi dep eńbek etip jatyrmyz. Jumys jasap jatyrmyz. Bizdiń komanda, kásibı komanda. Birinshiden, kórermenderge jaqsy sırk qoıylymyn syılaý, sırk ónerin halyqaralyq dárejede nasıhattaý, dáripteý. Óz ónerimizdi kórsetý, Almaty qalasynyń kóriktiligin kórsetý, sırktiń tarıhyn kórsetý. Ózimizdiń mádenıetimizdi kóptegen týrıserge áriptesterge tanytý.