Halyqaralyq jastar kúnine oraı birqatar arnaıy aksıalar josparlanǵan. Bul týraly Óńirlik komýnıkasıalar qyzmetiniń brıfıńinde Almaty qalasy Jastar saıasaty basqarmasy basshysynyń mindetin atqarýshy Azız Kajdenbek málimdedi, dep habarlaıdy aqshamnews.kz
Almaty – jastar qalasy, munda 14 pen 35 jas aralyǵyndaǵy 695,6 myń jas turady.
«1999 jyldan bastap búkil álemde 12 tamyzda Halyqaralyq Jastar kúni atap ótiledi. Bul jastarǵa, olardyń jetistikteri men áleýetine arnalǵan erekshe kún. Biz qarqyndy ózgerister men jahandyq syn-qaterler dáýirinde ómir súrip jatyrmyz. Jastar batyldyq pen shyǵarmashylyqtyń úlgisin kórsete otyryp, osy prosesterdiń aldyńǵy qatarynda. Bizdiń mindetimiz – sapaly bilim alýǵa, densaýlyq saqtaýǵa jáne jumysqa ornalasý múmkindikterine qol jetkizýdi qamtamasyz ete otyryp, olardyń damýy úshin qolaıly jaǵdaılar jasaý», - dedi Azız Kajdenbek.
Bul kúni qala kásipkerlerimen birlesip 14 pen 35 jas aralyǵyndaǵy jastarǵa arnalǵan «Jas Almaty» aýqymdy aksıasyn ótkizý josparlanýda, onyń sheńberinde qoǵamdyq tamaqtaný, paıdaly demalys salasynda jeńildikter jasalady.
3-12 tamyz aralyǵynda «Taza Qazaqstan», «Jas kelse. Iske!» sıaqty 10 baǵyt boıynsha 60-tan astam sporttyq, mádenı jáne zıatkerlik is-sharalar ótedi. «Densaulyk – zor bailyk», «Gylym tappai maqtanba», «Meyirimdilik mekeni», «Adal Azamat», «Enbek barin de jenbek», «Ystyq qairat. Nurly aqyl. Jyly jurek», «Qorgan-24», «Jasratmen birge» is-sharalary jastar arasynda shyǵarmashylyq áleýet pen salaýatty ómir saltyn damytýǵa yqpal etedi.
İs-sharalarǵa jastar qozǵalysynyń ókilderi, qoǵamdyq pikir kóshbasshylary, jas blogerler men qazaqstandyq shoý-bıznes juldyzdary qatysady.
ÓKQ spıkeri Almatyda jastardyń áleýetin tolyq iske asyrý, sondaı-aq jastarǵa ataýly kómek kórsetý maqsatynda ótken jyly 8 jastar komúnıtı ortalyqtarynyń iske qosylǵanyn atap ótti. Ortalyqtardyń sany 2025 jylǵa deıin 16-ǵa deıin artady. Jalpy, 2024 jyldyń basynan beri 750-den astam is-shara ótkizilip, oǵan jalpy sany 53 myńnan astam jas qatysty.